Happy Father's day

A tribute to all fathers,

Sochte sochte kalam uthaya,
kalam uthaya to ye khayal aaya,
socha ki likh du chand shabdo main ye dastan,
likh ne jo baitha to shabdo ko dhund na paya.

kya likhu,kaise likhu, kuch samajh na aaya,
fir sunai di ek avaaz,maine palko ko jhukaya,
aakhein jo ki band ,to kalam ko bolta paya,
keh rahi thi kalam apni jubaani,
ab tak ki aapki kahani.

Shuruwat ki bachpan se,jab aapne pehli bar apni god main uthaya,
khilaya,pilaya,kandho pe jhula jhulaya,
khud jaage raat bhar,par humko sulaaya,
koi kami kabhi khalne na di,bhale hi khudne do ser anaaz kam khaya,
kya kahu,kaise kahu kuch samajh na aaya,
aankhein jo kholi to dekha ki ,tedhe medhe sabdo main ye khat ban aaya..!

Happy fathers day!